INTERRELACIÓNS METABÓLICAS EN ESTADO DE XAXÚN TEMPERÁ
Estes días falarei sobre as interrelacións metabólicas dos principais tecidos corporais en distintos estados. O meu obxectivo é mostrar como funciona o noso corpo ante situacións de xaxún temperá, prolongado, renutrición,etc.
Nesta situación, o intestino non proporciona ningunha clase de nutrintes, pero as células da mucosa intestinal aínda teñen enerxía para o seu mantemento.
Como consecuencia deste estado, os niveis de glicosa en sangue descende. Este factor é unha sinal para as células alfa do páncreas que sintetizarán glucagón.
O glucagón estimula os procesos que van a fabricar glicosa, para que os tecidos que a necesiten estean abastecidos e aumente o nivel no sangue.
En primeiro lugar degrádase o glucóxeno para dar glicosa. Esta vai ao cerebro a través da circulación e aos glóbulos vermellos principalmente.
Nos glóbulos vermellos, a glicosa xera piruvato que se transformará en lactato .
O músculo esquelético nestas circunstancias pode utilizar a súa propia glicosa e degradarse a piruvato.
Este piruvato pode :
-transformarse en lactato.
-transaminarse a alanina, que vai ao fígado para transformarse en piruvato e activar a gluconeoxénese (para obter glicosa).
O lactato do músculo esquelético e os glóbulos vermellos tamén van ao fígado para transformarse en piruvato e activar a gliconeoxénese.
miércoles, 4 de febrero de 2009
Suscribirse a:
Enviar comentarios (Atom)
No hay comentarios:
Publicar un comentario