Minerais na dieta: o sal

O sal, tamén coñecido como cloruro sódico está composto nun 40% de sodio e nun 60% de cloruro. Atópase sobre todo nas comidas pre-cociñadas e está vinculado á presión sanguinea alta e incluso a cáncer de estómago.

Por que se precisa?
O compoñente sódico do sal é vital para controlar a cantidade de auga no corpo, manter un pH normal no sangue, transmitir sinais nerviosas e axudar á contracción muscular. O sal está presente en todas as comidas en distinto grao, e case todos os alimentos procesados conteñen sal aditivo.

Requerementos diarios
O sodio, a diferencia doutros minerais, é xeralmente “sobreconsumido”.
Aos adultos recoméndaselles non consumir máis de 6 gramos de sal ao día (aproximadamente unha cuchariña).
O actual consumo de sal atópase sobre os 9 gramos por día (tres gramos por enriba da cifra recomendada).
Tanto bebés como nenos máis grandes deberían consumir menos sal cós adultos.
Se un bebé inxire cantidades altas de sal pode resultar especialmente perigoso. Isto débese a que os seus riles non son quen de soportar esas cantidades de mineral.
Recomendacións para bebés e nenos :

IDADE (anos) SAL (g/día)

1 a 3
2 (0.8g sodio)

4 a 6

3 (1.2g sodio)

7a 10

5 (2g sodio)

11 mais

6 (2.4g sodio)

Reducir a inxesta de sal
Un estudo publicado na revista científica Hypertension no 2003 estimaba que a reducción da inxesta de sal a 6 gramos por día levaría a unha reducción do 13 por cento en apoplexías e de 10 por cento en enfermedades isquémicas do corazón.

A xente que sofre problemas cardíacos ou ten presión sanguinea elevada debe seguir unha dieta baixa en sal .
Reducir o sodio é o mellor modo de baixar os altos niveis de presión sanguínea , xunto con outros cambios na dieta aconsellados polos profesionais sanitarios.