Diversidade do cacao

Como seguro que o tema do chocolate vos deixou bó sabor de boca... aquí vos vai máis información sobre o cacao. Desfrutade!

Existen tres variedades principais de cacao:

• O criollo ou nativo: é cacao xenuino e foi bautizado así polos españois ao chegar a México. Cultívase en América en Venezuela, Honduras, Colombia, Ecuador, Nicaragua, Guatemala, Trinidad, Xamaica, México e Granada; e no Caribe, na zona do océano Índico e en Indonesia. É un cacao recoñecido como de gran calidade, de escaso contido en tanino, reservado para a fabricación dos chocolates máis finos. A árbore é fráxil e de escaso rendemento. O gran é de cáscara fina, suave e pouco aromático. Representa, como moito, o 10% da producción mundial.

• O forasteiro: orixinario da alta Amazonia. Trátase dun cacao normal, co tanino máis elevado. É o máis cultivado e provién normalmente de África. O gran ten unha cáscara grosa, é resistente e pouco aromático. Para neutralizar as súas imperfeccións, require un intenso tostado, de donde proveñen o sabor e o aroma a queimado da maioría dos chocolates. Os mellores productores usan grans forasteiro nas súas mesturas, para dar corpo e amplitude ao chocolate, pero a acidez, o equilibrio e a complexidade dos mellores chocolates provén da variedade criolla.

• Os híbridos, entre os que destaca el trinitario: é un cruce entre o criollo e o forasteiro, ainda que a súa calidade é máis próxima á do segundo. Como o seu nome suxire, é orixinario de Trinidad donde, despois dun terrible furacán que en 1727 destruíu prácticamente todas as plantacións da illa, xurdiu como resultado dun proceso de cruce. Deste modo, herdou a robustez do cacao forasteiro e o delicado sabor do cacao criollo.